حوار تسجيلي مكتوب ٢
جلس يوسف بإعتدال أمام الكاميرا ثم إبتسم
لتلك السيدة التى تجلس أمامه على الرغم من كبر سنها إلا أنها مازلت تحتفظ ببعض الوسامة
قالت له
_هقولك كلمة واحدة وأنت توصف مشاعرك إتجاه
الكلمة .
_تمام .
_ أول كلمة "السينما".
_السينما مش مجرد مشاهد بتحكى قصة معينة
...هى ممكن تكون تجربة إنسانية بتخلي المُشاهد يعيشها بكل مشاعره عشان فى النهاية يوصل
لقمة السعادة أو قمة الحزن.. يوما ما هينتهى العالم من صناعة الأفلام فى الوقت ده العالم
هيكون حزين.
_الجنون
_الجنون الغير مرضي ساعات بيكون نعمة ,
أن الواحد يعمل شئ ممكن يصنف تحت باند الجنون ولكن فى داخل كل شئ مجنون بتكمن الحرية
فى فعل أى شئ , بس فى ناس عندها الجنون بيقلب بتطرف وفى ناس بتعرف تحط حدود لنفسها
فى الأول وفى الأخر الجنون ممكن يكون مؤذي بشكل لا يمكن حد يتخيله, الجنون المرضي بقى
أنا بخاف منه ...بخاف من المرضي والمرض , انا لما بشوف حد منهم ممكن أجرى حتى لو عارف
أنه مش هيعمل حاجة بس أنا عندى فوبيا منهم .
_الموت
_الحقيقة الموت بالنسبالي بيمثل مشاعر ندم
وعجز , الفراق بيبقى صعب أكيد بس أنت من جواك عارف أنك هتتأقلم مع ده بمنتهى السهولة
مينفعش تحزن طول الوقت ...أنا لما حد بيموت بتأسفله أنى هنساه , مع الوقت أقرب حد ليك بعد موته ذكرياته هتتمسح ...شكله مش هتقدر تستحضره
فى ذاكرتك... نبره صوته هتختفى من ودانك , عشان كدا بشعر بالندم أنى هنسى كل حد مات
حتى لو كان أقرب الناس ليا ,إنما بالعجز عشان مش هقدر أعمل حاجة مجرد متفرج لشئ هيحصلنا
كلنا , الموت حقيقة منقدرش نهرب منها عشان كدا بنخاف لما حد بيموت بنحس بالموت بيقرب .
_الموسيقى ؟
_الموسيقى شئ جميل , هى فن ككل فن تجارب
إنسانية تحزنك أو تسعدك, ولكن الحزن أكثر ...بحب أسمع أغانى لمغنيين ماتو , أو غالبا
أنتحرو بحس فى صوتهم مناجاه أو طلب للمساعدة, فى الغالب كلهم ماتو بسبب وحدتهم أو فشلهم
فى علاقة ما, لا أعرف لما يذكرننى بنفسى كثيرا ربما لأنى وحيد للغاية وأشعر بآلامهم
الشديدة ,كل كلمة تخرج من أفواهم تعبر عن الوحدة المضنية التى تستهلك الروح وتجعلها
خالية من أى شئ , المغنية جانيس جوبلين فى أغنيتها work me
lord فى مقطع
Don't you know how hard it is Trying
to live all alone
بتوصف إزاى الإنسان الوحيد بيعيش , بيحاول ينجو وهو لوحده بس فى ناس
متسحملش تكون بمفردها.
جانيس جوبلين(1970/1943)
تعليقات
إرسال تعليق